пред 5 часа Венсан Компани, вечера, беше отпуштен од болница, откако се онесвести на тренингот на Баерн, а сега е откриено кога ќе се врарти на клупата на баварскиот гигант.
„Спорт Билд“, тврди дека белгискиот стручњак ќе се врати на клупата на 20 ноември, веднаш по репрезентативната пауза. На тој датум, германскиот шампион ќе се сретне со Келн во 10-то коло од Бундеслигата.
Челниците на шесткратните европски шампиони не сакаат да ризикуваат и му дадоа на легендарниот стопер неколку недели целосно да се опорави. Во негово отсуство, помошникот Арон Денкс ќе го предводи тимот против Борусија Дортмунд, Атлетико Мадрид и Мајнц.
„Тој повеќе не треба да биде во болница и ќе продолжи со лекувањето дома. Потребни му се одмор, лекови и рехабилитација. Станува збор за менингитис, кој го предизвика инцидентот минатиот петок“, рече спортскиот директор на Баерн, Макс Еберл.
40-годишникот од Брисел пристигна во Минхен во 2024 година, по испаѓањето од Премиер лигата со Барнли. Со Баварците освои две Бундеслиги, два Суперкупа и еден Куп на Германија.
Пред „Класикер“, Баерн го дели првото место на табелата со „милионерите“. И двата тима се непоразени во првите седум кола од првенството, имаат по 17 бода.
Foto/ Depositphotos
Би можело да ве интересира
Со двајца претставници Македонија на Европското првенство во пинг-понг за играчи до 13 години
УЕФА листа: Шкендија 174., Шкупи 178,, Македонија е на 50.место
(Видео) До доцна во ноќта во Струга се славеше шампионската титула
Чиле освои бод во Аргентина, Колумбија го растури Перу
ЦСКА се засилија со Норвежанец од Стабек
48 кошаркари во НБА се позитивни на Ковид-19
