Радичевиќ сама ја среди Ангола, европските шампионки без мака со Ј. Кореја

Поранешната ракометарка на ЖРК Вардар, Црногорката Јованка Радичевиќ во првото коло на женскиот олимписки турнир во Токио ја водеше својата селекција до убедлив триумф против Ангола, 33-22.

Радичевиќ имаше учинок 12 гола од 12 шута, од нив 3 од пенал.

Мечот со Анголките со 5 гола го заврши уште една поранешна членка на Вардар, Итана Грбиќ, а четири гола беа запишани зад името на Мајда Мехмедовиќ.

Европскиот шампион Норвешка без никакви проблеми го реши првото коло во Токио и мечот со Јужна Кореја. Победа со 39-27.

Уште на полувреме беше познат победникот, 18-10.

Норвежанките беа предводени од Братсет Дале кој мечот го заврши со 11 гола, а веднаш зад неа со учинокот беше Кристиансен со седум гола.

Бразил и Русија одиграа интересен и возбудлив меч кој заврши со реми 24-24, Холандија немаше проблеми со домаќинот Јапонија, триумф со 32-21.