пред 2 години Барселона полека станува главен фаворит за титулата во шпанската Ла лига, откако го искористија денешниот „кикс“ на Реал Мадрид и поразот од 1:0 од Мајорка, за да стигнат до убедлива 3:0 победа над Севилја и да се одвојат на осум поени од лутите ривали на врвот на табелата.
Мечот на „Ноу Камп“ не започна најдобро за Чави Ернандез, кога по само осум минути игра, Серхио Бускетс мораше да излезе од игра поради повреда. Севилја, со серија од две победи под водство на Хорхе Сампаоли беше израмнет противник во првото полувреме, пред да им се случи „колапс“ во вторите 45 минути.
Ветеранот Жорди Алба во 58. минута успеа да го совлада Боно со убав удар, за потоа на сцена да стапи Рафиња. Бразилецот прво му асистираше на Гави во 70. минута, за девет минути подоцна да зголеми на 3:0.
Со победата, Барса има 53 поени на првото место на табелата, пред Мадрид со 45, додека Реал Сосиедад се трети со 39 поени. Севилја остануваат 16-ти со 21 поен, два над зоната за испаѓање.
Би можело да ве интересира
Мбапе погодува кога е најтешко
Хезоња и Уникс ја „изгореа“ Звезда – рускиот тим заврши со 15 тројки!
ВРЦ: Нојвил со емотивна домашна победа во Белгија
Жозе го донесе првото засилување во Рома – таму каде што се „најтенки“!
Потврда од Де Бур – Ван Дајк нема да игра на ЕУРО 2020
Англичанецот од ФИФА доби дозвола да игра за Германија
