Реал на Фулам му продаде двајца младинци за 50 милиони евра

Фулам постигна договор со Реал Мадрид за трансфер на Гонзало Гарсија и Сезар Паласиос за вкупна сума од 50 милиони евра. Според договорот, вредноста на Гарсија беше проценета на 40 милиони евра, а на Паласиос на 10 милиони евра. Договорите содржат и клаузула според која на Реал ќе му припаднат по 30 проценти од идните гтрансфери на фудбалерите.

Двајцата фудбалери на „Крејвен Котиџ“ пристигнаа на барање на новиот тренер, Алваро Арбелоа.

Извори запознаени со бизнисот наведуваат дека реализацијата на двата трансфери се смета за сигурна. Клучен фактор е желбата на играчите да играат во Премиер лигата под водство на Арбелоа, со кого веќе работеа во академијата на Реал.

Фулам мораше да бара нови решенија во нападот ова лето бидејќи двајца важни играчи го напуштија клубот.

Најдобриот стрелец од минатата сезона, Хари Вилсон, како слободен играч се пресели во Лидс Јунајтед, додека Раул Хименез се врати во Вулверхемптон.

Гарсија и Паласиос треба да станат првите засилувања заедно со шведскиот напаѓач Јона Куси-Асаре, чиј договор беше откупен од Баерн по позајмица во сезоната 2025/26.

Fulham have agreed deals to sign Gonzalo Garcia for €40million and Cesar Palacios for €10m from Real Madrid.

The proposals include a 30 per cent sell-on clause for each player and, all being well, will see the pair follow head coach Alvaro Arbeloa to Craven Cottage from the… pic.twitter.com/YK6VGEgQec

— The Athletic | Football (@TheAthleticFC) July 30, 2026

Гонзало Гарсија е 22-годишен напаѓач кој го привлече вниманието кон себе минатата сезона откако се приклучи на првиот тим на Реал. Во 39 настапи, претежно од клупата, тој постигна осум гола, од кои се издвојува хет-трикот против Реал Бетис во јануари.

Тој исто така покажа добри настапи на Светското клупско првенство минатото лето, каде што беше најдобар стрелец со четири гола.

Неговиот една година помлад колега, офанзивниот играч од средниот ред Сезар Паласиос, одигра седум пати за сениорскиот тим на Реал минатата сезона, пет од нив во Ла Лига, а дебитираше во јануари.

Foto/ Depositphotos