пред 2 месеци Ракометарите на Словенија се најпријатното изненадување на Олимписките игри, но не успеаја да го остварат сонот, не успеаја да освојат медал. Шпанија го доби мечот за бронзениот медал со 23:22 (12:12).
Најефикасни кај Шпанија беа Алекс Гомез со пет гола, Афустин Касадо со четири гола и Абел Сердио со три гола. За Словенија, Јуре Доленец постигна шест, пет Блаж Јанц, а по три Алекс Влах и Тилен Кордин.
Иако натпреварот започна рано наутро, во 9 часот, селекцијата на Словенија и Шпанија играа со многу енергија, агресивност и цврстина.
Се играше по принципот гол за гол, а на крајот од првото полувреме резултатот беше 12:12.
Војната на нервите продолжи и во вториот дел, на четири минути пред крајот на семафорот стоеше 21:21. Алекс Влах промаши зицер, а Алекс Душебаев погоди за 23:21 на две минути до крајот. Доленец намали од седум метри – 22:23. Шпанија не го искористи нападот, а Словенија го имаше последниот. Блаж Мацковшек не успеа да постигне гол, славјето на Шпанците можеше да започне.
За златниот медал и олимпискиот трон ќе се борат Данска и Германија.
Би можело да ве интересира
Наследникот на „империјата“ на Јуве ги жали Интер
Волф: Ќе гледаме уште судири меѓу Макс и Луис
Алисон Бекер: Бог ја стави раката на мојата глава
Златан и Шведска со победа кај Косово, Италијанците без мака со Бугарија
Фердинанд: Јунајтед имаат потреба од брз дефанзивец
ПСЖ се намачи, но победи кај Порто, Флензбург едвај со реми со Мешков
