пред 2 години Наполи го декласира Јувентус во Неапол со 5:1 и обезбеди десет бода предност на врвот во Серија А. Тимот на Лучијано Спалети покажува дека дефинитивно е кадарен за освојување на шампионската титула.
Тренерот Лучијано Спалети е пресреќен од изданието и големиот триумф.
„Прекрасна вечер! Тимот одржуваше високо темпо во текот на целиот натпревар, а публиката создаде неверојатна атмосфера. Овие момци знаат како да добијат дополнителна енергија од љубовта на поддржувачите. По голот на Јувентус реагиравме на вистински начин, а ни помогна и поддршката од трибините“, изјави Спалети.
Тој смета дека оваа победа треба да биде дополнителна мотивација за неговиот тим.
„Оваа победа е порака за нас самите. Сите екипи страдаат против Јувентус, бидејќи е вистински колос и со серијата победи се искачи на второто место. Пред натпреварот си кажавме дека не сакаме да бидеме внимателни или колебливи. Напаѓавме, игравме отворено и го контролиравме натпреварот“, истакна тренерот на Наполи.