Тотенхем има спискот на потенцијални наследници на Игор Тудор

Тотенхем се најде во сериозна резултатска криза, а клубот веќе ја разгледува можноста за нова промена на клупата, иако Игор Тудор неодамна го презеде тимот.

Кон средината на февруари, хрватскиот стручњак се согласи на привремен ангажман до крајот на сезоната, но почетокот на неговиот мандат не го донесе посакуваниот напредок.

Лондонскиот клуб забележа три порази во првите три натпревари под негово водство, а најновиот неуспех против Кристал Палас на домашен терен дополнително го зголеми притисокот врз раководството.

Незадоволство можеше да се почувствува и на трибините, каде што некои навивачи го напуштија стадионот на полувремето, додека членовите на елитниот „Танел клуб“, чии сезонски билети чинат и до 20.000 фунти, им поставувија отворени прашања на челниците на клубот за насоката во која се движи Тотенхем.

Серијата лоши резултати дополнително ја комплицира ситуацијата, бидејќи тимот е без победа во последните 11 лигашки натпревари, а во моментов се бори за опстанок во Премиер лигата.

И покрај ова, клубот вели дека Тудор ќе го предводи тимот во наредниот период, почнувајќи со првиот натпревар од осминафиналето на Лигата на шампионите против Атлетико во Мадрид. Потоа следува тешко гостување во Ливерпул, како и важен натпревар против Нотингем Форест, директен ривал во борбата за опстанок.

Во меѓувреме, Тотенхем веќе размислува за долгорочно решение за клупата. Италијанскиот тренер Роберто Де Зерби, кој неодамна го напушти Марсеј и долго време се смета за експерт чиј напаѓачки стил на фудбал е ценет меѓу лидерите на големите клубови, се споменува како еден од кандидатите.

Поранешни тренери кои се споменуваат како опции се Хари Реднап, Глен Ходел и Тим Шервуд, додека како опции се споменуваат и поранешниот напаѓач на клубот Роби Кин и поранешниот тренер на Борусија Дортмунд, Един Терзиќ.

Foto/ depositphotos