Ферстапен: Не сакам 25 години да поминам зад воланот, сакам да уживам во животот

Макс Ферстапен, четирикратен шампион во Формула 1, на само 28 години, посочи дека наскоро би можел да ја заврши кариерата.

Холанѓанецot има договор со Ред Бул до крајот на сезоната 2028, што му гарантира 40 милиони евра годишно.

Тој ќе има 31 година кога ќе ја земе последната плата, но за разлика од Фернандо Алонсо и Луис Хамилтон, тој не се гледа себеси како се натпреварува na 40-годишна возраст.

„Дефинитивно гледам како се приближувам кон крајот на мојата кариера. Би рекол дека новите правила не ми помагаат да ја продолжам. Сепак, тоа ми е сè помалку важно, задоволен сум од мојот пат и од она што го оставам зад себе. Можам да оставам сè без никакви проблеми, веќе имам некои други проекти“, рече Ферстапен.

Макс го става своето семејство на прво место во наредниот период.

„Кога имаш 60 или 70 години, кого го интересира дали имаш четири или десет титули? Како што стареам, сакам сè повеќе да бидам со моето семејство, додека сите се тука. Тоа го учиш со текот на времето. Неодамна скијав со моите пријатели и семејство и беше одлично да поминам неколку дена со нив и да уживам во животот. Сакам да живеам – има само еден живот. Не сакам да поминам 25 години зад воланот. Ова можеби звучи драматично, но не сакам да живеам само за да се тркам“, рече Холанѓанецот.

Foto/ Depositphotos