Ханси Флик го обвини судијата за поразот од Атлетико

Барселона, синоќа беше поразена од Атлетико Мадрид (0:2) во првиот натпревар од четвртфиналето на Лигата на шампионите, а по завршувањето на натпреварот, Ханси Флик се жалеше на судијата Иштван Ковач.

Атлетико победи на „Камп Ноу“ со головите на Хулијан Алварез и Александер Серлот, а клучен момент на натпреварот се случи во 44-та минута кога Пау Кубарси доби црвен картон.

За Флик, но и за оние на кои Барселона им е во срцето, спорен е и моментот од 54-та минута. Дали Атлетико влезе во играта преку голманот Мусо или Пубил неправилно постаи кога ја фати топката со рака за да ја изведе топката.

„Е*ено, не разбирам која е целта на ВАР? Како е можно целосно да ја игнорираа таа ситуација со Мусо и Пубил. Пубил ја запре топката со рака пред сите? Зошто ВАР не се огласи кога главниот судија веќе одлучи дека не сака да го види тоа? Тоа беше чист пенал за нас и уште еден жолт картон за Пубил“, рече Флик по натпреварот.

« ILS MÉRITAIENT UN ROUGE… C’EST CLAIR ! »

Hansi Flick était vraiment mécontent après l’arbitrage après le match face à l’Atletico.. pic.twitter.com/9TKicjn161

— Actu Foot (@ActuFoot_) April 8, 2026

Тренерот на Барселона се осврна и на црвениот картон за Кубарси, кој го доби бидејќи беше последен играч во одбраната.

„Моето лично мислење е дека контактот на Кубарси со Симеоне не беше доволно силен за да доведе до таков театрален пад, и верувам дека тоа не беше директен црвен картон“, вели Флик, а потоа се осврнува на натпреварот.

„Изгубивме со 0-2, иако создадовме неколку фантастични шанси. Мислам дека имаме шанса да го свртиме резултатот во реваншот. Атлетико има многу опасна напаѓачка линија и многу е тешко да се одбрани од нив. Сепак, мислам дека имавме шанси да ги победиме и верувам дека имаме шанса да го свртиме резултатот.“

Foto/ Depositphotos