Хенес: Крос не може да го спаси германскиот фудбал

Тони Крос (33), како што тврди „Билд“, серизно размислува да се врати во националниот тим. Долгогодишниот член на Реал Мадрид ја напушти репрезентацијата по ЕП 2021 година.

Крос за Германија има одиграно 106 натпревари, постигна 17, тој е член на репрезентацијата која во 2014 година стана светски првак.

Во текот на својата фантастична кариера, Крос освои 20 трофеи со Реал и десет со Баерн, во кариерата му недостига само пехарот наменет за освојувачот на Европското првенство.

Иако е еден од најдобрите играчи за врска во историјата, почесниот претседател на Баерн Ули Хенес смета дека Крос „не може да го спаси германскиот фудбал“.

Откако беа елиминирани во групата со Јапонија, Шпанија и Костарика на Светското првенство во Катар 2022 година, Германците продолжија со слаби резултати.

Во текот на целата 2023 година ги победија само Перу, Франција и Соединетите Американски Држави. Тренерот Ханси Флик доби отказ во септември, Руди Фелер ја предводеше репрезентацијата на еден меч, а потоа ја презеде Јулијан Нагелсман, кој треба да ја води и на ЕП.

Резултатите на германската репрезентација во 2023 година:

Германија – Перу 2:0
Германија – Белгија 2:3
Германија – Украина 3:3
Полска – Германија 1:0
Германија – Колумбија 0:2
Германија – Јапонија 1:4
Германија – Франција 2:1
САД – Германија 1:3
Мексико – Германија 2:2
Германија – Турција 2:3
Австрија – Германија 2:0.