Швјонтек: Плачев шест часа

Ига Швјонтек, најдобрата тенисерка на светот, вели дека никогаш во кариерата не ѝ било потешко како минатата недела кога загуби во полуфиналето на Олимписките игри во Париз.

Како четирикратна шампионка на Ролан Гарос беше апсолутен фаворит, но тсудбината сакаше поинаку, во полуфиналето беше поразена од Чинвен Женг, која подоцна го освои златниот медал.

„Плачев шест часа по поразот. Дури по неколку дена бев подготвена да се соочам со овој неуспех. Има толку многу емоции во мене, “ вели Швјонтек.

„Радост, среќа, тага, разочарување, задоволство, глад за повеќе, гордост и многу други емоции и мисли ми го преплавуваат умот. Сè уште не можам да разберам што се случи. Можеби во иднина ќе можам да разберам што точно се случи“. .

Најтешко и е веројатно затоа што се изневери.

„Мислев дека можам да се носам со сите ситуации, но сфатив дека тоа не е вистина. Да не го освоев бронзениот медал, веројатно ќе плачев една недела“.