Јунајтед планираат да го заддржат Погба, тој чека на Реал?

Манчестер јунајтед ќе му понудат на Пол Погба нов долгорочен договор за да го заддржат Французинот на „Олд Трафорд“, но тој планира да ја „отслужи“ последната година од договорот и да замине на слободен трансфер во Реал Мадрид, тврди британскиот „Дејли стар“.

Погба очекува следната сезона да отиде на „Сантијаго Бернабеу“ во „пакет“ со сонародникот Килијан Мбапе, а можеби и Ерлинг Халанд. 28-годишниот Французин се врати на „Олд Трафорд“ од Јувентус во 2016 година, но постојано го следат шпекулации дека ќе замине од клубот, со Јувентус, Барселона и Реал Мадрид како постојани цели. Ова лето се шпекулираше дека тој сака да оди во ПСЖ, но тие веќе го добија Лионел Меси и Погба верува дека таму нема место за него.

Погба имаше фантастичен прв меч од сезоната за Јунајтед, со неверојатни четири асистенции при 5:1 победата над Лидс вчера.