Антони до петок сака да го напушти Манчестер јунајтед

Антони, фудбалерот на Манчестер Јунајтед е се поблиску до опцијата, во наредните 48 часа да го напушти клубот од Олд Трафорд.

Тогаш во Турција истекува преодниот рок, а според британските медиуми Бразилецот сака да игра за тимот на Фенербахче предводен од Жозе Мурињо.

Антони оваа сезона одигра само една минута на три премиерлигашки натпревари на „црвените ѓаволи“, а бидејќи е само четврта опција на крилните позиции кај Ерик Тен Хаг, сака да се пресели во Истанбул.

Тој наводно ги информирал челниците на клубот и менаџерот дека сака поголема минутажа и затоа сака да замине.

Освен Фенербахче, за него во текот на летото се интересираа и неговиот поранешен клуб Ајакс, како и неколку клубови од Шпанија и Саудиска Арабија.

Антони дојде во Манчестер Јунајтед на крајот на август 2022 година за 95 милиони евра, но не ги оправда очекувањата.

На 83 натпревари постигна 11 гола со пет асистенции.