„Аѕурите“ не ја победија Бугарија, но поставија рекорд, Шпанија „падна“ во Шведска

Европските шампиони, Италија на „Артемио Франки“ во Фиренца го израмнија рекордот на Шпанија од 35 меча без пораз, откако одиграа 1:1 со Бугарија во меч од квалификациите за СП во Катар следната година. Шпанците немаа толку среќа – загубија со 2:1 на гости кај Шведска, додека Англија и Белгија стигнаа до убедливи триумфи на гости.

Федерико Киеза покажа дека е во фантастична форма оваа сезона, откако во 16. минута имаше вистинска мајсторија за 1:0, но Атанас Илиев, кој иронично фудбалскиот леб го заработува во Италија, во Асколи во 39. минута израмни на 1:1.

На „Френс арената“ во Стокхолм пак, Шпанија уште во 5. минута дојде во водство преку Карлос Солер, но Александер Исак израмни на 1:1 само минута подоцна, пред Виктор Класен да донесе важни три поени за „трите круни“ во 57. минута.

Англичаните стигнаа до убедлива 4:0 победа на гости кај Унгарците, со четири гола во второто полувреме – Рахим Стерлинг, Хери Кејн, Хери Мегваер и Деклан Рајс се запишаа во листата на стрелци. Убедливи беа и Белгијците кои со 5:2 победија кај Естонија предводени од двата гола на Ромелу Лукаку.

СП 2022 КВАЛИФИКАЦИИ

ГРУПА Б

Шведска – Шведска 2:1

ГРУПА Ц

Италија – Бугарија 1:1

Литванија – Северна Ирска 1:4

ГРУПА Е

Естонија – Белгија 2:5

Чешка – Белорусија 1:0

ГРУПА И

Унгарија – Англија 0:4

Андора – Сан Марино 2:0

Полска – Албанија 4:1

ИТАЛИЈА – БУГАРИЈА

ШВЕДСКА – ШПАНИЈА

УНГАРИЈА – АНГЛИЈА

ЕСТОНИЈА – БЕЛГИЈА

ПОЛСКА – АЛБАНИЈА

ЧЕШКА – БЕЛОРУСИЈА

ЛИТВАНИЈА – С.ИРСКА