Баерн остана без голмани, тинејџер ќе брани во Лигата на шампионите

Баерн веќе избори пласман во четвртфиналето во Лигата на шампионите, откако во првиот меч во Бергамо, ја прегази Аталанта со 6:1, но на неодреден период се соочува со сериозен проблем. Тројцата голмани се повредени, никој од нив нема да биде во тимот против Аталанта.

Свен Улрих се повреди на натпреварот од 26-то коло од Бундеслигата против Баер Леверкузен (1:1), одигран во саботата.

Во соопштението за медиумите, клубот од Минхен објави дека по деталниот медицински преглед е утврдено дека се уште не е познато колкава пауза му претстои.

Германските медиуми потсетуваат дека Баерн има проблеми со повредите на голманите, бидејќи Мануел Нојер и Јонас Урбиг од претходно се повредени.

Нојер се повреди на 6 март на натпреварот од Бундеслигата против Борусија Менхенгладбах (4:1), додека Урбиг заработи потрес на мозокот пред пет дена во првиот натпревар од осминафиналето на ЛШ против Аталанта (6:1).

На 18 март, играчите на Баерн ќе ја пречекаат Аталанта во реваншот од осминафиналето на Лигата на шампионите, а Леонард Прескот, кој има само 16 години, би можел да дебитира на голот на германскиот великан.

Foto/ depositphotos