пред 4 години Поранешниот фудбалер на Ливерпул, Мамаду Сако го доби судскиот случај против Светската анти-допинг агенција (ВАДА), која ќе му исплати „значителна отштета“ поради лажните тврдења за допинг тест на дефанзивецот.
Во објава пред Кралскиот суд на правдата во Лондон, ВАДА целосно го прифати барањето на Сако, се извини за неправедните обвинувања за користење на хигенамин, супстанција која се наоѓа во средствата за слабеење. Французинот, Сако, кој сега игра за Кристал палас признава дека е задоволен.
„Среќен сум. За мене, за моето семејство, за моите пријатели, за тие кои беа до мене тие тешки години. Не е лесно кога си професионален спортист и си обвинет за допинг, бидејќи тоа е најлошото што може да ти се случи. Секогаш велев дека вистината ќе се појави и тоа дојде денеска. Сега сакам да гледам напред“, изјави Сако.
Сако беше позитивен по мечот од Лига Европа помеѓу Ливерпул и Манчестер јунајтед во март 2016, кога доби 30-дневна суспензија од УЕФА и повеќе не заигра за Ливерпул. Тој тврдеше дека поради ова бил исклучен и од француската репрезентација за Европското првенство во 2016. УЕФА подоцна потврди дека средството не е на листата на забранети супстанции, но ВАДА во 2016 и 2017 тврдеше дека тој се допингувал.
— Mamadou Sakho (@mamadousakho) November 4, 2020
Би можело да ве интересира
Колку милиони луѓе ќе го гледаат финалето на Лигата на шампионите?
Белата точка среќна за Осасуна и Бетис
Алексеј Кулбаков – Апсолутен рекордер во ЛШ
Меси: Дојдов да ја освојам ЛШ, Нејмар влијаеше врз мојата одлука да ја прифатам понудата на ПСЖ
Далиќ го објави тимот за ЕУРО 2020
Артета го бара „кртот“ во Арсенал
