пред 20 часа Расел Вестбрук (36), рекордер во НБА по бројот на трипл-дабл (203), двократен најдобар стрелец, трикратен најдобар асистент во најсилната лига и МВП во 2017 година, по една сезона ги напушта Денвер Нагетс.
Инсајдерот Шамс Чаранија објави дека Вестбрук одбил да ја искористи опцијата за продолжување на договорот со Денвер за уште една сезона, па затоа ќе биде слободен играч од крајот на овој месец.
Вестбрук одигра 75 натпревари за Денвер оваа сезона и имаше просек од 13,3 поени, 6,1 асистенции, 4,9 скока и 1,4 украдени топки. Во плејофот имаше 11,7 поени, 3,7 скока и 2,6 асистенции. Никола Јокиќ со тоа останува без важен соиграч во Нагетс.
Иако е ветеран, Вестбрук е убеден дека може да се бори за подобар договор на пазарот од 3,4 милиони долари што би ги заработил следната сезона во Денвер.
Досега, играше за Оклахома, Хјустон, Вашингтон, ЛА Клиперс, ЛА Лејкерс и Денвер.
Би можело да ве интересира
Левендовски: Имав договор со Манчестер јунајтед, Борусија го блокираше трансферот
Војдан Стојановски уште две сезони во дресот на МЗТ Скопје Аеродром
Бундеслига: Први сезонски победи за Борусија (М) и за Херта
Мареј размислува што по тенисот: Сакам да бидам фудбалски тренер!
По борач, убиен и боксерски шампион во Иран
Абрамович го „спрема“ Шевченко како замена за Лампард?
