пред 7 месеци Кошаркарите на Бостон ја победија Индијана со 126:110. Селтикси поведоа со 2-0 во финалето на Источната конференција во НБА лигата.
За разлика од првиот натпревар од оваа серија, кој беше решен по продолжението, Бостон во вториот не дозволи возбудувања, па по првата четвртина стекна двоцифрена предност која лесно ја одржуваше во останетите три четвртини.
Индијана водеше со 27:22 на нешто повеќе од една минута до крајот на првата четвртина, но потоа Селтикс направија серија 20:0, па домашните стигнаа до плус 15 (42:27).
Џејлен Браун ги предводеше Селтикси до 2-0 со 40 поени, најдобро го следеа Џејсон Тејтум и Дерик Вајт со по 23 поени, додека Џру Холидеј запиша 15 поени и десет асистенции.
Во редовите на Индијана најефикасен беше Паскал Сијакам со 28 поени, Ендрју Нембард додаде 16, Оби Таупин 11. Голем проблем за Индијана е повредата на надобриот играч Тајрис Хејлбартон. Плејмејкерот се повреди во третата четвртина, до тој момент постигна десет поени.
Следниот натпревар од оваа серија се игра ноќта меѓу сабота кон недела, а домаќин ќе биде Индијана.
Би можело да ве интересира
„Јунајтед двапати ја пропушти можноста да го донесе Халанд“
Барселона на колена пред Столе Димитриевски и соиграчите
Ферстапен „за влако“ пред Хамилтон во Зандворт
Мората е „џокерот“ на Енрике – Шпанија израмнува во полуфиналето на ЕУРО
„Летечкиот“ Златан двапати стрелаше и ги врати Милан на првото место
Варди еднаш погоди, еднаш утна пенал, „лисиците“ на врвот
