(Видео) Голема победа за Баерн на „Сантијаго Бернабеу“

Фудбалерите на Баерн Минхен го победија Реал во Мадрид со 2:1 (1:0) во првиот натпревар од четвртфиналето на Лигата на шампионите.

Секако, реваншот на „Алијанц Арена“ за осум дена нема да биде само формалност, но факт е дека Баварците направија голем чекор кон ново полуфинале.

Тешко е да се избројат колку одлични можности имаше на овој натпревар.

Веќе по 45 секунди, Баерн се закани преку Конрад Лајмер, а во 9-та минута, чиста шанса промаши Упамекано.

Реал одговори преку Килијан Мбапе, а потоа Винисиус, чиј удари го одбрани Нојер во 16-та минута, а во 27-та. Тиаго Питарч му ја даде топката на Серж Гнабри, кој не ја искористи од седум метри од голот.

И потоа Баерн прв зададе удар. во 41-та минута, по брлијантна акција, која ја креираа ГКејн и Гнабри, а ја заврши Луис Дијаз. со стил.

Нов шок за Реал следуваше по само 20 секунди во вториот дел. Олисе ја креираше акцијата, а Кејн со удар од 17 метри го совлада Лунин.

Реал се разбуди по еден час игра. Во пет минути две шанси не реализираше Мбапе, една Винисисус.

Баерн ги одбиваше нападите на реал се до 74-та минута, кога Трент Александар-Арнолд му сервираше на Мбапе во шеснаесетникот, а тој едвај успеа да го матира Нојер со помош на пречката.

Реал се обидуваше да се спаси од пораз, но не успеа, додека Баерн имаше подобри шанса за трет гол, но на крајот, гостите беа нефокусирани во ситуации каде што имаа вишок и веројатно можеа да го решат двомечот уште вечерва.

На овој начин, со нетрпение ќе го очекуваме реваншот во Минхен, кој ќе се игра следната среда, 15 април, кога ќе се донесе конечната одлука за учесникот во полуфиналето на елитното натпреварување.