(Видео) И Хрватите ја почувствуваа моќта на Шпанија

Светскиот првак Шпанија ја продолжи својата неверојатна низа и по натпреварот со Хрватска. Шпанците славеа во Лигата на нации со 4:1, што е за нив 40-ти натпревар без пораз на официјални натпревари.

Натпреварот започна откако шпанскиот капитен Родри им го претстави трофејот на светските шампиони на навивачите.

Домашниот тим поведе во втората минута. По двојно додавање на Баена и Кукуреља, топката дојде до Ламин Јамал, кој остана сам и постигна гол за 1:0. Само две минути подоцна, Ливаковиќ одбрани опасен удар на Баена.

Хрватска израмни во 28-та минута. Матео Ковачиќ го проигра Иван Перишиќ, кој центрираше за Дион Дрена Беља, а тој со глава го изеднаќи резултатот на 1:1. Тоа беше неговиот прв гол за репрезентацијата.

Сепак, Шпанија брзо ја врати предноста. Во 31-та минута, по корнер, Марк Пубил го искористи центаршутот на Јамал и постигна гол за 2:1.

Во 36-та минута, голот на Ојарзабал беше поништен поради офсајд, а кон крајот на полувремето, во 45-та минута, Фермин Лопез ја погоди стативата.

Хрватска влезе во второто полувреме со Лука Вушковиќ наместо Понграчиќ. И покрај малку подобрата игра на почетокот на второто полувреме, во 63-та минута Јамал го зголеми резултатот на 3:1 со својот втор гол. Ивановиќ ја имаше најдобрата шанса за Хрватска во второто полувреме во 77-мата минута, но неговиот удар заврши покрај голот.

Лука Модриќ го започна овој натпревар од клупата, а во игра влезе во 81-та минута, доби аплауз од целиот стадион. Конечниот резултат го постави Нико Вилијамс во 89-та минута со прецизен удар за 4:1.

Репрезентацијата на Англија ја победи Чешка со 2:0 во Прага во натпреварот од Лигата на нации, користејќи го дополнителниот играч што го имаше од 24-тата минута. Домашниот тим остана без суспендираниот Павел Шулц уште на почетокот, а отпорот беше скршен во второто полувреме со головите на Ентони Гордон и Хари Кејн.

Foto/ EPA