пред 41 минута Лацио го победи Јувентус со 3:0 во дербито од седмото коло на италијанската Серија А, одиграно на стадионот „Алијанц“ во Торино. Екипата на Џенаро Гатузо го продолжи одличниот почеток на сезоната и остана непоразена во првенството.
Головите за римскиот тим ги постигнаа Оливер Простгард во 37-та минута, Густав Исаксен во 66-та минута и Фисајо Деле-Баширу на крајот од натпреварот.
Лацио со шестата победа стигна до 19 бода и се израмни со Интер на врвот на табелата. Јувентус остана на 11 бода по седум кола и продолжи со лоши резултати во домашното првенство. Екипата на Лучијано Спалети постигна само една победа во последните пет лигашки натпревари, а тешкиот пораз дома дополнително ја зголеми разликата зад водечките екипи.
Победа на Лацио во Торино по девет неуспешни обиди и речиси седум години чекање е нивната најубедлива во историјата на стадионот на Јувентус. Суспендираниот Лучијано Спалети беспомошно го гледаше поразот на неговиот тим од трибините.
Во следното коло, Лацио го пречекува Парма дома, додека Јувентус гостува кај Лече.
Foto/ EPA
Би можело да ве интересира
Бабунски: Целта е да ги победиме овие два натпревари
Барселона го сака Луис Дијаз
Марко Ројс одби да игра за Германија на ЕУРО
ЛЕ: Храбриот Динамо примора продолженија против Тотенхем, Арсенал „преживеа“
Дали Меси ќе добие суспензија од 12 меча?
Пантелиќ му врати на Видиќ: Кога ти промашуваше пенали, не пишуваше соопштенија
