(Видео) Мбапе на колена ја фрли Барселона

Реал и го нанесе првиот пораз на Барселона во Ла Лига, втор во сезоната, откако на „Ноу Камп“ го деби дербито со 2:1. Двата гола за „кралскиот клуб“ ги постигна Килијан Мбапе во 41-та и 88-та минута, стрелец за Барселона беше Рафиња во 61-та минута.

Реал влезе во дербито како третопласирана екипа во првенството, со шест бода помалку од Барселона. Од самиот почеток, тимот на Мурињо покажа дека нема само да се брани, туку дека ќе биде особено опасен во брзите контранапади. Барселона имаше проблеми со додавањата и бројни грешки на средината од теренот, што Реал се обиде да ги искористи.

Првиот половина час беше обележан со грешки на двете страни. Стоперот на Реал, Дин Хујсен, му ја даде топката на Ламине Јамал во третата минута, но Барселона не ја искористи неговата грешка.

Само две минути подоцна, Педри имаше лошо додавање на средината од теренот, а Арда Гулер се упати кон шеснаесетникот на Барселона и шутираше над голот. Во 30-та минута, Каталонците останаа без повредениот Чави Еспарт, кој беше заменет од Алехандро Балде.

Реал поведе во 41-та минута по многу необична ситуација. Јан Диоманде центаршутираше од левата страна, а Жерар Мартин се обиде да ја исчисти топката од шеснаесетникот, за негова несреќа го погоди Мбапе, од кого топката отскокна во мрежата.

ÇOK İLGİNÇ BİR GOL!

Mbappe attı, Real Madrid 1-0 öne geçti! pic.twitter.com/StirOLMNiZ

— Anında Goller (@anindagoller31) October 25, 2026

Барселона имаше одлична можност да израмни само три минути подоцна. Ламине Јамал остана сам на десната страна од шеснаесетникот, но не беше прецизен.

Реал можеше да го зголеми водството пред паузата, но Диоманде ја погоди надворешната страна од мрежата.

На почетокот на второто полувреме, Реал имаше уште една одлична можност. Џуд Белингам му избега на Пау Кубарси и започна контранапад дна на еден. Мбапе беше целосно слободен, но Жерар Мартин брилијантно го пресретна додавањето и ја спаси Барселона.

Барселона продолжи постепено да ја презема иницијативата, а во 61-та минута израмни. По краток корнер, Педри го пронајде Рафиња во шеснаесетникот со брилијантно додавање. Бразилецот шутираше од седум до осум метри, а топката помина низ нозете на Белингам. Лунин успеа да ја допре, но не можеше да го спречи голот за 1:1.

Raphinha scores for Barca

Barcelona 1-1 Real Madrid

pic.twitter.com/yMXkoZ8V8y

— Goals Xtra (@GoalsXtra) October 25, 2026

Само четири минути подоцна, Барселона можеше да постигне уште еден гол. Жерар Мартин беше највисок во скокот по корнерот и шутираше со глава од блиску, но Лунин го спаси Реал со фантастична реакција.

Домаќините продолжија да напаѓаат, а Јамал стана сè поопасен, обидувајќи се неколку пати да ја пробие одбраната на гостите.

Во последните дваесет минути, Реал се повлекуваше сè повеќе и чекаше можности од контранапад. Барселона ја имаше иницијативата, а Мурињо се обиде да ја врати стабилноста во својот тим со измени. Во 80-та минута, Едуардо Камавинга го замени Бернардо Силва, додека претходно повредениот Федерико Валверде беше заменет со Дензел Дамфрис.

Кога се чинеше дека најголемото шпанско дерби ќе заврши без победник, Мбапе повторно се појави. Францускиот напаѓач го постигна својот втор гол во натпреварот во 88-та минута и му донесе на Реал водство од 2:1. Најзаслужен за голот беше Камавинга, кој една загубена топка успеа да освои пред Кубарси, а потоа му асистираше на Мбапе кој ја погоди празната мрежа.

Kylian Mbappe scores once again. What a scenes

Barcelona 1-2 Real Madrid

pic.twitter.com/gI8TeKGbdd

— Goals Xtra (@GoalsXtra) October 25, 2026

Реал успеа да направи она што ниту еден друг тим не можеше да го направи во првите девет кола од шпанското првенство. Мурињо ја прекина совршената серија на Барселона и славеше во своето прво Ел Класико откако се врати на клупата на мадридскиот клуб.

Со оваа победа, Реал стигна до 24 бода и ја намали разликата зад Барселона на само три бода. Тимот на Флик остана на 27 бода, втор е Атлетико со 25.