(Видео) Салах во бордо-сино

Мохамед Салах (34) беше претставен како нов играч на Трабзонспор. Трансферот на легендарниот египетски крилен играч во Трабзонспор е неочекувана зделка со оглед на тоа што во последните месеци тој најмногу беше поврзуван со клубовите од Саудиска Арабија и Бешикташ.

Приказната за Трабзон се појави неодамна и работата експресно беше завршена. Поранешниот играч на Ливерпул, со кого спогодбено се раздели, ја даде првата изјава за веб-страницата на Трабзонспор.

„Трабзон, дали си подготвен? Ве слушам. Се гледаме наскоро“, рече Салах.

Bordo-Mavili formasıyla ilk kez kameraların karşısında… İlk mesajı Büyük Trabzonspor Taraftarına:

“Bize Her Yer Trabzon!” #SalahIsComing pic.twitter.com/Sr1KcRDwpk

— Trabzonspor (@Trabzonspor) August 5, 2026

Еден од најдобрите африкански фудбалери во историјата, во текот на денот ќе пристигне во Истанбул, каде ќе биде потпишан договорот, а во вечерните часови се очекува Салах да пристигне во Трабзон.

𝐒𝐚𝐥𝐚𝐡 𝐌𝐨𝐝𝐞: ON pic.twitter.com/mqi1DLa9DH

— Trabzonspor (@Trabzonspor) August 5, 2026

Трабзонспор се смета за четврти најголем клуб во Турција, покрај истанбулските гиганти Фенербахче, Галатасарај и Бешикташ. Минатата сезона завршија на третото место и ќе играат во квалификациите за Лигата на Европа.

Салах ќе потпише двегодишен договор, додека турските медиуми објавија дека неговата основна плата ќе биде 17 милиони евра годишно. Износот со бонуси може да достигне до 22 милиони, а тој добива и 20 проценти од продажбата на дресови со неговото име.

Foto/ Depositphotos