(Видео) Јувентус со петарда го честеше НЕЦ, победи со покер голови на Бешикташ и Палас, историски триумф на Борнмут

Јувентус со победа го започна учеството во Лигата на Европа. „Старата дама“ го декласира НЕЦ Нијмеген со 5:0 (3:0). Покрај Јувентус и останатите фаворити, вечерва славеа убедливи победи. Изненадување можеби е триумфот на Ференцварош во Глазгов, против Селтик (3:1). Денешниот ден ќе биде запишан во историјата на Борнмут. Англискиот тим со победа дебитираше во европските натпреварувања. „Црешите“ славеа победа на „Аноета“ во Сан Себастијан, 2:1 против Реал Сосиедад.

Николас Гонзалез ја најави победата на Јувентус против НЕЦ. Аргентинецот погоди по девет минути игра, а шест минути подцна Керим Алајбеговиќ со првиот гол во дресот на Јувентус го зголеми водството.

Во 26-та минута, првеннец во црно-белиот дрес запиша Ник Волтемаде. Германецот реализираше пенал.

Маките на најпријатното изненадување на Ередивизие минатата сезона ги продлабочи Зеки Челик во 75-та минута, по навремено додавање на Рандал Коло Муани.

Французинот влезе во игра четири минути пред тоа, тоа беше само неговиот трет контакт со топката.

Истиот човек стави крај на играта во 82-та минута.

Борнмут ја шокираше „Аноета “со два гола во првите 20 минути, доволно за да ја обезбеди победата и покрај голот што домашните го постигнаа во второто полувреме.

Ференцварош продолжи со импресивни игри во Европа, па откако ги исфрли Војводина, Твенте, Горњик и Трабзон, го изненадија и Селтик во Глазгов – 3:1 (2:1). Поранешниот напаѓач на Војводина, Јусуф Бамиделе, постигна гол и две асистенции во најдобриот меч во кариерата.

Со три гола во првите 34 минути, Кристал Палас рутински го надигра Лех, кој немаше апсолутно никакви шанси на „Селхерст Парк“. Палас победи со 4:0.

Бешикташ го победи Марсеј со 4:1 во Истанбул. Турскиот тим го отвори натпреварот подобро и поведе со убав гол на Факили во 15-та минута. До крајот на полувремето, Марсеј израмни преку Абдала.

Сите дилеми околу победникот црно-белиот тим од Истанбул ги реши за само три минути. Чехот Чернипостигна гол во 56-та, а Муриљо во 59-та минута. И двата пати асистент беше капитенот Кокчу.

Тоа не го промени многу односот на силите на теренот. Бешикташ ја круниса подобрата игра со уште еден гол, а стрелец беше резервистот Поку во 81-та минута.

Foto/ EPA