Гринвуд со покер голови го честеше Ле Авр

Фудбалерите на Олимпик Марсеј го победија Ле Авр со 6:2 во осмото коло од Лига 1 и ги престигнаа ПСЖ и Стразбур на челната позиција. Натпреварот го одбележа Мејсон Гринвуд кој, откако Јасин Кејта ги доведе гостите во водство во 24-та минута, постигна дури четири гола по ред и со тоа го сврти натпреварот.

Гринвуд прв постигна гол во 35-та минута од пенал. За пеналот Готје Љорис доби директен црвен картон.

24-годишниот Англичанец ја заврши својата феноменална вечер во второто полувреме постигнувајќи голови во 67-та, 72-та и 76-та минута.

После тоа, тренерот Роберто Де Зерби го извади од игра во 79-та минута, додека Робињио Ваз го зголеми резултатот на 5:1 во 88-та минута. До крајот на натпреварот, Абдулае Туре постигна гол за гостите, а Амир Муриљо го постави конечниот резултат. Погледнете ги сите голови ТУКА.

Англискиот напаѓач со тоа го зголеми својот број на голови на шест во лигата оваа сезона. Со тоа, тој стана првиот играч на Марсеј кој постигнал четири гола во еден натпревар од француското првенство по Жан-Пјер Папен, кој го направи тоа против Лион во јануари 1991 година.