пред 3 години Иако последните години не е во врвот на светскиот тенис, британскиот тенисер Енди Мареј во Токио доаѓа „со ореол“ на еден од фаворитите за медал.
Шкотланѓанецот е двоен олимписки шампион (Лондон 2012 и Рио 2016 година), па во Јапонија ќе ја брани титулата.
„Олимписките игри многу ми значат и голема чест ми е што сум на четврти ОИ. Го носев знамето во Рио и освои злато на домашен терен во 2012-та. Тоа беа неверојатни моменти. Заминувањето на втора Олимпијада како бранител на титулата е возбудливо и многу се радувам на предизвикот“ изјави Мареј за сајтот на ОИ во Токио.
Иако во моментов е на 104. позиција на АТП листата, Британецот најавува поход по златниот медал.
„Целта е да освојам медал во Токио, идеално е ако на својата земја и донесам злато“ порача Мареј.
Останува да се види коментарот на Новак Ѓоковиќ кој според многумина е „печен“ за златото во Токио.
Би можело да ве интересира
Злато со олимписки рекорд за Рилов
Дивац: Во ова време Џордан би давал по 80 поени на натпревар
Ред бул во „грабеж“ на инженери од Мерцедес, Германците им нудат двојно поголема плата!
Сите фудбалери на Копа Америка ќе бидат вакцинирани, УЕФА не планира вакво нешто
„Двоец“ на Киеза – Јуве сега се „израмнети“ со Порто!
Голманот на Штутгарт имаше спектакуларна одбрана на пенал
