Карвахал повторно се повреди – Се враќа во последното коло да се збогува со клубот

Дани Карвахал (34), капитенот на Реал и легенда на клубот, доживеа фрактура на коската на малиот прст на десната нога. Поради ова, тој ќе паузира две недели или четири лигашки натпревари бидејќи Реал објави дека тоа е проценетото време за закрепнување.

Карвахал ќе ги пропушти натпреварите против Еспањол, Барселона, Овиедо и Севилја, но се очекува да се врати за натпреварот од последното коло.

На „Бернабеу“ ќе гостува Атлетик Билбао. Ова е важно бидејќи, како што истакнува „Марка“: „Значи, сè укажува на последно збогување на капитенот пред неговите навивачи. Бидејќи Карвахал сè уште не го продолжил договорот со Реал, кој истекува следниот месец“.

Во последните две сезони, Карвахал беше принуден да паузира една година, и поради тоа, започна само осум пати оваа сезона. Карвахал одигра 448 натпревари за Реал, постигна 14 гола и забележа 65 асистенции. Тој освои 27 трофеи, еден помалку од клупскиот рекордер Лука Модриќ.

Foto/ Depositphotos