Ливерпул нуди 50 милиони долари за вундеркиндот од Клуб Тихуана

Ливерпул би можел да го доведе еден од најталентираните млади играчи во светот во зимскиот преоден рок.

Англискиот гигант го сака Гилберто Мора, 17-годишен мексикански репрезентативец кој моментално го носи дресот на Клуб Тихуана, а најновите информации велат дека мексиканскиот клуб добил понуда што би можела да влезе во историјата.

Како што објави мексиканскиот новинар Дејвид Фаителсон, Ливерпул наводно понудил повеќе од 50 милиони долари за младиот играч од средниот ред.

Информацијата беше објавена откако Фаителсон откри во емисијата „TUDN“, дека Тихуана добила понуда од англискиот клуб преку менаџерката на Мора, Рафаела Пимента. Според неговите тврдења, станува збор за Ливерпул, а бројката треба да биде повеќе од 50 милиони долари.

Доколку договорот се реализира за оваа сума, Мора би станал најскапиот трансфер во мексиканската лига. Претходниот рекорд го држи Едсон Алварез, кој се пресели од Клуб Америка во Ајакс во 2019 година за околу 15 милиони евра.

Интересно, што додава тежина на целата приказна, интересот на Ливерпул за Мора не е нов. Англискиот клуб претходно веќе воспостави директен контакт со претставниците на младиот Мексиканец, а Ливерпул во својата рубрика „Media Watch“ објави информации за сериозен интерес за 17-годишникот.

Foto/ EPA