Мекларен ги реши проблемите од Кина

По проблемите што ги спречија возачите на Мекларен да стартуваат на Големата награда на Кина, тимот ги откри техничките проблеми на возилата на актуелниот шампион Ландо Норис и неговиот колега Оскар Пјастри.

Норис дури и не ја напушти гаражата поради дефект во електрониката, додека Пјастри мораше да ја напушти почетната позиција непосредно пред почетокот на формацискиот круг. Ова е прво двојно отсуство за Мекларен на патеката во Шангај во последните две децении.

Тимот, заедно со инженерите на Мерцедес, спроведоа заедничка истрага во двонеделниот период помеѓу трките и ги идентификуваа клучните причини за проблемите со цел да се спречи нивно повторување.

„Првите две трки покажуваат како различните конфигурации на патеката можат да влијаат на барањата на моторот и стратегиите на возачите. Сузука ќе биде предизвикувачка, но очекуваме енергијата и перформансите на шасијата да бидат подобро искористени, слично како во Мелбурн“, рече директорот на техничкиот тим, Марк Темпл.

Мекларен доаѓа во Јапонија подготвен да се бори за поени и да продолжи да ја намалува разликата во однос на водечките тимови. Норис моментално е на шестата позиција во генералниот пласман на возачи со 15 поени, додека Пјастри има три поени од спринт трката во Кина.

Foto/ Depositphotos