Надал има мака со грбот, нема да игра ниту во Мајами

По турнирот во Акапулко, шпанскиот тениски ас, Рафаел Надал го откажа учеството на уште еден тениски турнир, Мастерсот во Мајами. Причина е повредата на грбот која го мачи Шпанецот уште од Австралија опен.

Популарниот „Бик од Мајорка“ сака што подобро да се подготви за сезоната на неговата омилена подлога – земјената.

„Тажен сум што објавувам дека нема да играм во Мајами, град кој го сакам. Морам целосно да се опоравам и да се подготвам за сезоната на земјена подлога во Европа. Посебна порака за моите навивачи во САД, а посебно на големата заедница од шпанско говорно подрачје која секогаш ми пружа голема поддршка“ напиша Надал на Твитер.

Sad to announce that I won’t be playing in Miami, a city that I love. I need to fully recover and get ready for the clay court season in Europe. Special message to my fans in the US and in particular to the great Spanish speaking community FL who always give me a great support!??

— Rafa Nadal (@RafaelNadal) March 16, 2021

Мастерсот во Мајами започнува на 24. март и ќе трае до 4. април. Минатата сезона не се одржа овој турнир поради пандемијата на коронавирусот.

Најголемиот успех на Надал во Мајами се финалињата во 2005, 2008, 2011, 2014. и 2017. година.