пред 14 часа Еден од првите фудбалери што се пресели од Европа во Кина поради извонредната финансиска понуда се враќа во својата татковина.
По осум години поминати во Азија, Оскар ќе се врати во Бразил, поточно во Сао Паоло.
Поранешниот играч на Челзи се пресели во Кина од „Стемфорд Бриџ“ пред осум години, во своите најдобри играчки денови и форма. Многумина тогаш беа шокирани од оваа вест, но Оскар добро го наплати престојот во Кина.
Поранешниот бразилски репрезентативец стана легенда на Шангај, за кого настапуваше осум години. Пристигна во рекорден трансфер од 60 милиони евра и од првиот момент се истакна по квалитет. Со Шангај три пати беше шампион на Кина.
За осум години оствари приход од околу 200 милиони евра.
Оскар наводно би требало да се врати во Сао Паоло, а договорот би бил потпишан на три години.
Фудбалерот од средниот ред кариерата ја започна во Сао Паоло, потоа се пресели во Интернасионал, а играше за Челзи од 2012 до 2017 година. За репрезентацијата на Бразил забележа 48 настапи и постигна 12 гола.
Би можело да ве интересира
Рашфорд ја „отвори душата“ откри дека ќе го напуши Јунајтед
(Видео) Атлетико ја прегази Спарта во Прага, Милан на „мускули“ го победи Слован во Братислава
Каталес херој – Фенербахче избори место на завршниот турнир
Пандев на Инстаграм: Година полна со емоции – време е за ЕВРО2020 со Македонија
Рамзи ќе го напушти Јувентус, се враќа во Лондон
Роналдо е „Златно стапало“ за 2020 година
