Победата на репрезентацијата често завршува и со победа во спалната соба, покажува истражување

Во пресрет на Светското првенство 2026, истражување спроведено меѓу повеќе од 4.600 навивачи покажало дека фудбалските резултати често влијаат и врз расположението надвор од теренот.

Според анкетата, речиси 32 отсто од испитаниците сметаат дека победите на нивната репрезентација позитивно влијаат врз романтичниот и сексуалниот однос со партнерот, додека повеќе од 38 отсто велат дека головите и победите предизвикуваат силен адреналин и чувство на еуфорија.

Од друга страна, речиси половина од навивачите изјавиле дека по тежок пораз на омилениот тим чувствуваат разочарување и губење на расположението.

Истражувањето покажува и дека многумина веруваат во т.н. „бејби-бум ефект“, според кој големите спортски успеси можат да придонесат за зголемен број раѓања неколку месеци подоцна.

Заклучокот е дека фудбалот кај голем број луѓе предизвикува силни емоции кои влијаат врз секојдневното расположение, односите и чувството на блискост со најблиските.