Пјаниќ со смајли одговори на Куман

Миралем Пјаниќ никако не може да се избори за место во првиот тим на Барселона. Репрезентативецот на БиХ, најчесто влегува како резерва, или воопшто не игра. Роналд Куман му порачал дека мора да вложи повеќе труд за да добие повеќе минути на теренот.

„Пјаниќ мора да работи за да донесе некоја промена. Во големите тимови секогаш постои жестока конкуренција, тешко е да се наметнеш. На крајот секогаш најдобрите ќе играат. Пјаниќ во последните натпревари не играше бидејќи предност имаа Бускетс, Педри и Де Јонг“, рекол Куман.

Неколку часа по оваа изјава Пјаниќ на Инстаграм објавил смајли кој „умира од смеење“. По неколку минути тој ја избришал објавата.

Пд почетокот на сезоната Пјаниќ одиграл 20 натпревари. Во просек на секој натпревар играл по 45 минути.

?[ @Miralem_Pjanic – Instagram ] pic.twitter.com/EUnpbkS49L

— BarçaTimes (@BarcaTimes) January 20, 2021