Ракометарките против Романија во баражот за пласман на СП

Женската ракометна репрезентација на Македонија, наредниот месец, преку Романија, ќе се обиде да избори пласман на Светското првенство. Македонските ракометарки место во баражот изборија вкендов по победите над Исланд, Литванија и Косово, на турнирот што се одржа во Скопје.

Ждрепката за баражот за пласман на СП се одржа попладнево. Македонија немаше среќа со противникот што и го „додели“ ждрепката. Романија е една од најсилните европски репрезентации иако не се прослави на псоледното Европско првенство. Лидер на оваа репрезентација е една од нјдобрите светски ракометарки, Кристина Неагу.

Македонија првиот меч ќе го одигра во гости на 16. или 17.април, а четири дена подоцна ќе се одигра реваншот во Скопје.

Двојки за баражот за пласман на СП:

Романија – Македонија
Русија – Турција
Чешка – Швајцарија
Словенија – Исланд
Словачка – Србија
Украина – Шведска
Австрија – Полска
Унгарија – Италија
Португалија – Германија
Црна Гора – Белорусија