Родри мора на операција на грбот

Везниот играч на Манчестер Сити, Родријао „Родри“ Ернандез, ќе мора да замине на операција на грбот, поради што неговиот настап на стартот од сезоната 2026/27 е под голем знак прашалник. Капитенот на шпанската репрезентација неодамна го освои светското првенство со својата селекција, но англискиот шампион сега се подготвува за подолг период без еден од своите најважни играчи.

Според „The Athletic“, точниот датум на враќање засега не е познат. Овој 30-годишен фудбалер беше прогласен за најдобар играч на Светското првенство, каде одигра сите осум натпревари за Шпанија на патот до титулата. Неговиот изостанок претставува сериозен проблем за Сити, кој мора да најде решение во средниот ред.

Родри и претходно имаше сериозни здравствени проблеми. Во септември 2024 година ги скина предните крстни лигаменти и ја пропушти речиси целата сезона 2024/25. Минатата сезона пак го мачеа повреди на тетивите и препоните, па одигра само 33 натпревари, од кои 17 како стартер во Премиер лигата. Тоа е голем пад во споредба со сезоната 2022/23, кога постигна победнички гол во финалето на Лигата на шампионите и ја донесе историската тројна круна на клубот.

Покрај здравствените проблеми, отворено е и прашањето за иднината на Родријао Ернандез во клубот, бидејќи неговиот договор истекува за една година.

Фото: Депозитфотос