пред 3 години Легендарниот хрватски кошаркар Тони Кукоч конечно влезе во кошаркарската Куќа на славните во Спрингфилд. Него во престижната „куќа“ го внесе неговиот поранешен соиграч од Чикаго Булс, Мајкл Џордан.
Кукоч е единствениот играч во историјата кој трипати во низа освојуваше Куп на европски шампиони со Југопластика и НБА прстен со Чикаго Булс.
Освен за „биковите“, во најсилната светска кошаркарска лига Хрватот играше и за Филаделфија, Атланта и Милвоки и просечно имаше по 11,6 поени, 4,2 скока и 3,7 асистенции на меч. Беше добитник и на признанието за најдобар шести играч во НБА.
Со селекцијата на Југославија беше олимписки вицешампион во 1988 година, светски шампион во 1990 година, двапати европски шампион (1989 и 1991), а има и три златни медали со младите селекции.
Со Хрватска освои олимписко сребро, како и две европски и една светска бронза.
Заедно со Кукоч, во Куќата на славните беа примени уште кошаркарски легенди – Бил Расел како тренер, а Пол Пирс, Крис Вебер и Крис Бош како играчи.
Би можело да ве интересира
Македонското знаме се развиори на олимпискиот стадион во Токио
Мурињо на првиот прес во Рома: За три години ќе славиме. Нешто!
Синот на Шекил сакаше да се шегува со таткото… Не помина најдобро
Голманот на Штутгарт имаше спектакуларна одбрана на пенал
Барса фуриозно во Берлин, Ефес се намачи со Макаби
Колумбиец кој брани во Мексико пред трансфер во Интер
