пред 4 години Американскиот кошаркар Шејн Ларкин во дресот на Анадолу Ефес прерасна во еден од најдобрите кошаркари во Европа. Рекордер е по бројот на постигнати поени на еден меч во Евролигата (49).
Во разговор за израелскиот портал „Vala“, Ларкин појасни зошто го носи бројот нула на дресот.
„Кога ќе ме погледнете, ќе разберете дека не изгледам како кошаркар. Не сум највисок, ниту најјак. Додека растев никој не веруваше дека во НБА ќе стигнам од првата рунда на драфтот, дека ќе го освојам АЦЦ шампионатот, дека во Европа ќе оборувам шутерски рекорди и ќе бидам така доминантен. Така одлучив бројот на дресот да ми е нула. Тој број претставува колку луѓе веруваа дека ќе стигнам таму каде што сум денес. Тоа е нешто што ме мотивира. Кога ќе одиграм лошо или ќе осетам болка, ќе погледам на градите и ја гледам целата приказна која ме потсетува дека морам да се борам и кога не оди најдобро“ вели Ларкин.
За неговиот тренер, Ергин Атаман американскиот кошаркар вели дека не запознал тренер со поголема самодоверба.
„Ниту еден тренер со кој сум работел нема таква самодоверба, која ја пренесува на нас. Многу се разликува од останатите тренери во Евролигата кои веруваат дека се би требало да биде во нивните раце и на нивниот начин“ смета тој.
