пред 4 години Шесткратниот светски шампион во снукер, Рони О`Саливен нема да ја одбрани титулата на Светското првенство во Шефилд откако синоќа загуби во второто коло до Ентони МекГил со 13-12.
О`Саливен добро го почна мечот, поведе со 4-1, но МекГил успеа со пресврт да дојде до 10-5. Потоа следуваше „отрезнување“ на шампионот и земање на 6 фрејмови во низа за водство од 11-10.
МекГил успеа да изедначи на 11-11, но следуваше ново водство на Рони О`Саливен, 12-11.
Со феноменален брејк од 136 поени „предизвикувачот“ израмни повторно, овојпат на 12-12.
Во одлучувачкиот фрејм О`Саливен добро почна, но направи голема грешка, па противникот го искористи тоа и со брејк од 85-тиот поен триумфираше и се пласираше во четвртфинале.
Таму ќе игра против подобриот од дуелот на светскиот шампион од 2015 Стјуарт Бингам и Џејми Џонс.
О`Саливен годинава се обидуваше да стигне до седмата шампионска титула за да се изедначи со рекордерот – Стивен Хендри.
Би можело да ве интересира
Интер во недела без Чалханоглу
Роналдо пак беше стрелец, ама Де Хеа е херојот на „ѓаволите“, фати пенал во 95-та
Јунајтед бесплатно го пуштија Переира во Фламенго, а ќе му плаќаат и 40 отсто од платата!
Го запознала Матиќ кога имала 17 години, сега имаат 3 деца и уживаат во Манчестер
Србија непоразена од Франција и во Кретеј, херојот е Цупара
ТОП фудбалски смешки и интересни моменти
