Ѓоковиќ се раздели од тренерот Енди Мареј по шест месеци

Тенисерот, Новак Ѓоковиќ, денеска објави дека нема да ја продолжи соработката со актуелниот тренер, Енди Мареј.

Енди Мареј беше стратег на Ѓоковиќ на Австралија опен, Индијан Велс и Мајами, а Шкотланѓанецот накратко се врати во споменатата ложа, на Мастерсот во Мадрид, каде Новак веднаш беше елиминиран.

„Ти благодарам тренер Енди за сета твоја напорна работа, забава и поддршка во изминатите шест месеци на теренот и надвор од него. Навистина уживав во продлабочувањето на нашето пријателство заедно“, напиша Ѓоковиќ на социјалните мрежи.

Ѓоковиќ и Мареј соработуваа во последните шест месеци, а Србинот во меѓувреме падна на шестото место на АТП листата.

„Благодарност до Новак за неверојатната можност да работиме заедно и благодарност до неговиот тим за нивната напорна работа во последните шест месеци. Му посакувам се најдобро на Новак во остатокот од сезоната“, изјави Мареј, а пренесува Би-би-си.

Ѓоковиќ моментално е во Белград на подготовки за продолжението на сезоната.