пред 4 години На стадионот „Луиџи Ферарис“ Џенова и Специја денеска го одиграа мечот од 33. коло во Серија А.
Домашните славеа победа со 2-0, а капитенот на македонската фудбалска репрезентација, Горан Пандев беше стартер на мечот и играше се до 56 минута.
Во првиот дел, кој заврши 0-0 Пандев постигна гол, во 28 минута, но по ВАР асистенција судијата го поништи погодокот.
Пандев беше на вистинското место по една одбиена топка, ја погоди мрежата, но голот беше поништен поради прекршок на Дестро врз голманот Проведел.
Во второто полувреме токму замената на Пандев – Џанлука Скамака во 63 минута го доведе тимот предводен од Балардини во водство од 1-0.
Уште еден резервист, Шомуродов во 86 минута со својот погодок го постави конечниот резултат на мечот.
Џенова е многу блиску до опстанок во лигата, затоа што во моментов има 8 бода повеќе од екипите кои се загрозени со преселба во Серија Б.
Специја останува на 33 бода и е во понеповолна позиција од денешните противници.
Би можело да ве интересира
Интер го гледа Ловро Мајер како замена за Николо Барела
Обиена понудата на Барселона за Жоао Феликс
Во Јапонија се обидоа да „измислат“ слободен удар! Целосно потфрлија
Стартува четвртфиналето – Реал против Ливерпул, Сити ја чека Борусија
Сусо со „голчиште“ донесе победа за Севилја
Ако Србија се пласира на ЕП секој играч ќе добие по 100.000 евра
