Џерард: Ливерпул беа очајни против Вулверхемптон

Стивен Џерард (45) го критикуваше Ливерпул по поразот на гости против последнопласираниот тим во лигата, Вулверхемптон (2:1) во 29-то коло од Премиер лигата.

Поранешниот капитен на „Црвените“ го нарече изданието на тимот на тренерот Арне Слот очаен. Поразот на стадионот „Молинју“ е тежок удар врз амбициите на актуелните шампиони да го обезбедат петтото место, последно што води кон Лигата на шампионите.

„Црвените“ загубија дури пет натпревари оваа сезона со примени голови во судиското продолжение, што е рекорд во Премиер лигата, пишува „Дејли меил“.

Ливерпул за неколку дена повторно ќе игра против тимот на Роб Едвардс во ФА Купот, но легендата на клубот Стивен Џерард верува дека многу работи мора да се променат ако сакаат да го надоместат лошиот настап.

„Во првите 65 минути, Ливерпул беше очаен вечерва, навистина делуваа лошо“, рече Џерард додека коментираше за натпреварот за ТНТ Спортс.

„Тие не играа со вистинско темпо или со вистински квалитет“, додаде Џерард, кој одигра 710 натпревари за Ливерпул.

Џерард се придружи на оние кои бараат Слот да го вклучи талентираниот млад напаѓач Рио Нгумоха во почетниот состав, велејќи дека менаџерот „мора да го внесе во играта сега“.

„Тој направи повеќе за кратко време отколку Коди Гакпо за 65 минути“, истакна Џерард, а потоа продолжи: „Волците беа многу добри, го запреа Ливерпул“.

Легендата на клубот ја критикуваше и одбраната за примените голови. „За првиот гол, тоа беше едноставна долга топка до напаѓачот, тие имаа ситуација два на еден и тоа мораше да се реши. За вториот гол, голманот имаше лош шут и немаше реакција. Ако сакаат да одат во ФА Купот, ќе мора да се бранат многу подобро“, рече Џерард.

Foto/ depositphotos