пред 4 години Американскиот претседател Џозеф Бајден денеска побара од американските разузнавачки агенции да ги удвојат своите напори во истрагата за потеклото на Ковид-19 и да извршат притисок врз Кина за соработка.
Американската администрација смета дека е важно да се утврди потеклото на пандемијата во која животот го загубија скоро 600 илјади Американци, но исто така признава дека досега е направено малку за да се најдат целосни одговори и дека тоа претставува закана по националната безбедност и јавното здравје во САД.
Претставничката на Белата куќа Џин Псаки недвосмислено изјави дека американската администрација сака да ги добие сите одговори за потеклото на Ковид-19.
„Бараме и во неколку наврати апелиравме до Светската здравствена организација да поддржи експертска истрага за потеклото на пандемијата, која ќе се спроведе без мешање и без политизација. Се надеваме дека по првата истрага на СЗО, тие ќе започнат и втора, која ќе биде потранспарентна и независна“, рече Псаки, истакнувајќи дека и генералниот директор на СЗО, Тедрос Гебрејсус, ја критикувал првата истрага на СЗО во Кина, пренесува „Вашингтон пост“.
Би можело да ве интересира
Ердоган: Настаните во Газа се несреќа, катастрофа и злосторство против човештвото
Зеленски до мајките на руските војници: Проверете дали вашите деца се живи
Во Њујорк отстранета статуа од Рузвелт поради расизам
Уште шест тела пронајдени под урнатините во Флорида, 200 спасувачи продолжуваат со потрагата
Зошто земјата на таткото на имунизацијата денеска е најголем скептик за вакцините?
Бајден во 1979 напишал писмо до Тито, воодушевен од посетата на Југославија
