(Видео) Бангкок прогласен за зона на катастрофа – улиците под вода, сообраќајот запрен, училиштата затворени

Бангкок е под вода по обилните дождови, а гувернерот на главниот град прогласи зона на катастрофа во сите 50 окрузи на поширокото подрачје на метрополата.

Главните сообраќајници се поплавени, автомобилите се заглавени во вода, а на места водата им достигнува до половина на телото на жителите кои се обидуваат да се пробијат низ улиците.

Во последните 48 часа паднале речиси 300 милиметри дожд, а метеоролозите за викендот најавуваат нови силни врнежи и грмежи.

Thailand: All 50 districts of Bangkok have been designated disaster zones as torrential rains trigger widespread flooding, severe waterlogging and major traffic disruptions across the capital.

The Thai Meteorological Department forecasts more heavy to very heavy rainfall,…

— Megh Updates (@MeghUpdates) September 26, 2026

Гувернерот Чадчарт Ситипунт предупреди дека ситуацијата претставува ризик за човечки животи и може да предизвика голема материјална штета, особено во областите околу каналите.

Властите веќе организираат помош. Армијата поставува привремени засолништа и теренски кујни, а храмови и училишта се претвораат во места за згрижување на населението.

Жителите кои живеат покрај каналите се повикуваат да ги преместат своите работи на повисоки места, а граѓаните да избегнуваат патувања кои не се неопходни.

All 50 districts of Thailand’s capital, Bangkok, have been declared disaster areas after heavy rain caused widespread flooding and disruption. pic.twitter.com/2Y3qIqGkFu

— Clash Report (@clashreport) September 26, 2026

Поплавите веќе го парализираа сообраќајот во голем дел од градот. Вработените во јавниот сектор во понеделник и вторник ќе работат од дома, додека училиштата ќе останат затворени.

Аеродромот „Суварнабхуми“ засега работи нормално, но туристичките власти ги предупредуваат патниците да тргнат најмалку два до три часа порано поради отежнатиот сообраќај.

More insane footage of central Bangkok submerged in floodwater.

A citywide disaster has been declared across all 50 districts of the mega-city after 2 days of torrential rain.

This is a city that's known for having some of the worst traffic in the world even in dry… https://t.co/FyxMgowxSM

— Mario Nawfal (@MarioNawfal) September 26, 2026

Во меѓувреме, жителите прават залихи од храна и основни намирници, а пред супермаркетите се создаваат гужви.

За време на викендот се очекуваат нови обилни врнежи, што дополнително може да ја влоши состојбата во градот.

Текстот (Видео) Бангкок прогласен за зона на катастрофа – улиците под вода, сообраќајот запрен, училиштата затворени е превземен од МАКФАКС.