(Видео) Британска тинејџерка загина во експлозија на брод во Доминиканската Република

16-годишната британска тинејџерка Аби Лејнтон загина во експлозија на туристички брод за време на семеен одмор во Доминиканската Република. Несреќата се случила на 27 јули, а на бродот имало уште околу триесет патници со семејството Лејнтон од Свиндон. Аби починала во болница од тешки изгореници три дена подоцна, додека нејзината сестра Карли и брат Бредли исто така биле повредени и сè уште се на лекување, објавува „Телеграф“.

Детали за несреќата и истрагата
Бродот враќал туристи од патување до островот Саона, кој е дел од Националниот парк Котубанама, во пристаништето Бајахибе. Властите соопштија дека во несреќата се повредени 24 лица, од кои 11 се хоспитализирани со изгореници. Причината за пожарот сè уште не е утврдена и истрагата е во тек.

British teen, 16, died when tourist boat exploded into flames in Caribbean tragedy that injured 24: Tributes to 'beautiful' cheerleading coach killed while on family holiday in the Dominican Republic pic.twitter.com/fkQFrypjqH

— MassiVeMaC (@SchengenStory) August 10, 2026

Службеник од Доминиканската Република потврди дека станува збор за трагична несреќа на море.

„Девојчето и нејзините повредени брат и сестра биле веднаш префрлени во болницата во Ла Романа, но за жал таа не преживеа. Починала и покрај напорите на медицинскиот персонал. Нејзините брат и сестра останува под болничко лекување“, рече тој.

A teenage cheerleading coach died when a boat “exploded” on a family holiday in the Dominican Republic.

Abbie Lainton, 16, was on a tourist boat when the vessel burst into flames. She was badly burnt and taken to intensive care, where she died three days later.

… pic.twitter.com/fxpurUrMIc

— The Telegraph (@Telegraph) August 11, 2026

Сведоштво на патник
Навин Торес (35), патник кој претрпел изгореници од прв степен во експлозијата, раскажа за „Сан“ што се случило. Тој рече дека патниците слушнале гласен шум, сличен на истрел, додека бродот нагло забрзувал, по што следела експлозија.

„Предниот дел од бродот експлодирал. Ми требаа неколку секунди да сфатам што се случува, а огнот почна да се шири кон мене и мојата сопруга“, додаде Торес.

Текстот (Видео) Британска тинејџерка загина во експлозија на брод во Доминиканската Република е превземен од МАКФАКС.