пред 4 години Американската крајбрежна стража спаси тројца кубански државјани на пуст остров на Бахамите каде што живееле 33 дена хранејќи се со кокос.
„Тоа е неверојатно. Не знам како успеале. Бев изненаден од тоа колку се во добра форма”, изјави поручникот Џастин Дагерти за подружницата WPLG на „Си-ен-ен“.
Офицерите на крајбрежната стража на САД за време на рутинска патрола забележале двајца мажи и жена како мавтаат со импровизирани знамиња на островот Ангуила Кеј, дел од ланецот острови меѓу островите Флорида Кис и Куба.
Прво им доставиле радио, храна и вода во понеделникот, а потоа биле спасени од островот во вторникот.
Тројцата Кубанци и кажаа на крајбрежната стража дека нивниот брод се превртел за време на бура пред околу пет недели и дека пливале до пустиот остров.
Двајцата мажи и жената, наводно, немале сериозни повреди, но сепак биле пренесени во медицинскиот центар Лоу Кис за да ги прегледаат лекари.
Би можело да ве интересира
Жена е можно да застане на чело на Албанија
Столтенберг: Нападот на нуклеарната централа ја покажува заканата од оваа војна
Двајца пациенти загинаа во пожар во ковид болница во Романија
(Видео) Тепачка во украинскиот парламент откако пратеник изјавил дека опозиционерите треба да бидат застрелани
Повторно војна во Нагорно-Карабах
Рускиот патријарх Кирил изрази сочувство за смртта на Амфилохие
