(Видео) „На улиците владее паника и хаос, на луѓето им се слоши“, вели жител на Хрватска, кој се наоѓа во Бангкок

Земјотрес со јачина од 7,7 степени според Рихтеровата скала го погоди Мјанмар, соопшти Американскиот геолошки институт. Стотици луѓе во тајландската престолнина Бангкок во паника излегоа од зградите откога почувствуваа дека земјата се тресе, јавува „Ројтерс“.

Според Геолошкиот институт на САД, епицентарот бил на речиси 17,2 километри од градот Мандалеј, кој има приближно 1,2 милион жители. 12-ина минути по првиот земјотрес, втор силен последователен потрес со јачина од 6,4 ја погоди областа.

„Ситуацијата е хаотична. Луѓето се на улица затоа што бегаат од зградите и трговските центри. Сите се во паника затоа што се плашат од нов земјотрес. Има огромни метежи на патиштата, не можете да го напуштите центарот“, објави хрватски „Индекс“ сведоштво на човек што се наоѓа во Бангкок.

$bp(“TargetVideo_43154957”, {“id”:”45264″,”width”:”420″,”height”:”560″,”video”:”2076936″,”autoplay”:0,”shared”:true});

Во моментот на земјотресот тој бил на улица. „Кога се тресеше, се исплашив. Зградите се нишаа, имаше голема штета“, вели човекот.

Тој додава дека на луѓето им се слошило поради стрес и високи температури.

„Поради евакуацијата, затворени се центрите и хотелите… Има паника“, изјави тој, пренесува хрватски „Индекс“.

Текстот (Видео) „На улиците владее паника и хаос, на луѓето им се слоши“, вели жител на Хрватска, кој се наоѓа во Бангкок е превземен од МАКФАКС.