(Видео) Поплави во Албанија

Обилните дождови предизвикаа поплави во Албанија, каде најтешка е состојбата во општина Скадар, каде беа поплавени 1.823 хектари земја.

Поплавен е и голем дел од земјоделските површини, а некои патишта се непроодни за ниски возила, пренесува порталот „Егзит“.

Поради обилните дождови, наставата беше прекината во две училишта во Елбасан, бидејќи покривот падна на едното, а другото е крај реката, чие ниво се зголеми.

Нивото на другите реки исто така се зголеми, а некои општини останаа без електрична енергија.

Во моментов албанската војска ги снабдува со храна домаќинствата во северозападниот дел од земјата, кои се изолирани поради поплавите.

The area of Obot in #Shkodra has been ravaged by floods caused by heavy rains that swept #Albania over the last few days, as hectares of land have ended up under water pic.twitter.com/B2yBudIoV2

— Euronews Albania (@EuronewsAlbania) January 11, 2021

Најмалку 36 семејства се евакуирани.

Властите стравуваат дека поројните дождови би можеле да создадат поголеми проблеми.