пред 4 години Членка на владата на северниот регион Венето, Елена Доназан, која ја претставува десноцентристичката партија Фратели д’Италија, предизвика скандал откако во радиоемисијата на јавниот сервис РАИ ја испеа фашистичката химна „Црна лента“.
Членовите на регионалната влада од Демократската партија бараат од претседателот на регионот, Лука Заја, јасно и јавно да се дистанцира од политичарката, да и го одземе мандатот и целата влада на регионот да го осуди чинот на пратеничка која е задолжена за образование.
Елена Доназан тврди дека слободата на говорот е загрозена, но членот на Демократската партија и член на регионалната влада, Џакомо Посамаи, тврди дека ваквото објаснување е потполно неосновано и дека токму фашизмот што го слави е спротивен на слободата на говорот.
„Периодот на фашизмот е најтемниот дел од историјата на Италија и тоа беше режим што ја укина слободата на говорот, ширеше омраза и расизам“, потсети Посамаи.
Италијанските медиуми јавуваат дека, по овој скандал, Доназан веќе ја нема на социјалните мрежи.
Нејзините профили се затворени или блокирани на Фејсбук, Твитер и Инстаграм.
Би можело да ве интересира
Поранешниот шеф на НАСА: Мора да продолжиме да работиме со Русија, ние сме тим
Три безживотни тела пронајдени во Белград
Ангела Меркел се надева дека нема да замине во историјата како мрзeлива личност
Дрога вредна 300.000 евра пронајдена во возило на Итната помош во Италија
Експлозија во фабрика во Зрењанин, има повредени
Во Бугарија 3.414 новозаразени со коронавирус, 72 починати
