(Видео) Тригодишно момче ја преживеа несреќата во Лисабон, го загуби таткото, мајка му се бори за животот: семејство од Германија беше во жичарницата

Португалија прогласи национален ден на жалост по трагедијата што се случи во средата попладне кога познатата жичница „Глорија“ излета од шините и удри во зграда. Бројот на загинати се искачи на 17, а меѓу нив е и татко од Германија.

Сè уште малку се знае за жртвите и за повредените, но се знае дека меѓу нив има и странски државјани. Според португалските медиуми, во жичницата имало и семејство од Германија.

Тригодишно момче ја преживеа несреќата со полесни повреди. Татко му почина во несреќата, а мајка му е пренесена во болница во тешка состојба.

BREAKING:LISBON FUNICULAR DERAILS

Close-up footage shows the Elevador da Glória, one of the city’s most iconic trams, after it jumped the tracks in central Lisbon. Emergency services rushed to the scene, with at least 3 fatalities confirmed. pic.twitter.com/zZ3D03PAXi

— The_Independent (@TheIndeWire) September 3, 2025

Детето моментно е под надзор на властите, пренесуваат тамошните медиуми.

Министерството за надворешни работи на Германија сè уште не ја потврди оваа вест.

„Нашите мисли се со жртвите од трагичната несреќа со жичницата во Лисабон. Жалиме со нивните семејства и им посакуваме брзо закрепнување на повредените. Во контакт сме со португалските власти за да им дадеме поддршка“, напиша Министерството.

Полициски извор за „Обсервер“ изјави дека едно германско семејство било во жичницата: таткото починал на самото место, а мајката е во критична состојба. Тригодишниот син на двојката ја преживеал несреќата со полесни повреди и бил спасен од службеник за јавна безбедност.

„Тој е член на нашиот Оддел за кривични истраги, еден од првите што пристигнал на местото на настанот. Тие биле во областа и работеле на спречување на криминалот“, потврдил извор за „Обсервер“.

Според „Си-ен-ен Португалија“, мајката на детето била хоспитализирана на интензивна нега поради сериозноста на повредите. Детето, кое сега е под надзор на надлежните органи, ќе биде прегледано од педијатар.

Од 21 лице повредени во несреќата, познато е дека две лица се од шпанска националност, а една Италијанка претрпела скршена рака. Засега е познато дека меѓу жртвите е еден странски државјанин – татко од Германија. Бројот на жртви се искачи на 17.

Полицијата ја истражува причината за несреќата, а според порталот „Сапо“, кабелот наводно се скинал.

Една жена изјави за телевизиската станица SIC дека жичницата се движела по стрмната улица со полна брзина.

„Жичницата удрила во зградата со брутална сила и се распаднала како картонска кутија“, рекле сведоци.

Таа превезувала повеќе од 40 лица.

Властите веруваат дека несреќата е предизвикана од лабав кабел или дефект на сопирачките.

Португалската влада прогласи национален ден на жалост и тридневна жалост во Лисабон.

Бригадата на судската полиција беше повикана да ја испита причината за несреќата на жичницата „Глорија“, која може да прими до 42 патници и е обележје на Лисабон, кое е многу популарно меѓу туристите.

Жичницата „Глорија“ беше отворена пред повеќе од еден век, во 1885 година.

Фото: принтскрин

Текстот (Видео) Тригодишно момче ја преживеа несреќата во Лисабон, го загуби таткото, мајка му се бори за животот: семејство од Германија беше во жичарницата е превземен од МАКФАКС.