(Видео) Шестмина загинати во пожар во автобус во Швајцарија: „Патник се полеа со бензин и се запали“

Шест лица загинаа, а најмалку четворица други се повредени кога автобус за јавен превоз изгоре во западна Швајцарија, соопшти полицијата вчера вечер.

Тројца од повредените се во критична состојба, соопшти кантоналната полиција на Фрибур. Еден болничар е исто така повреден за време на спасувачката операција.

Инцидентот се случил во градот Керцерс, западно од главниот град Берн.

[ SUISSE ]

Un homme est soupçonné de s’être immolé par le feu à l’intérieur d’un bus à Kerzers, en Suisse, faisant au moins six morts et plusieurs blessés.
pic.twitter.com/7VvO9vHXGZ

— Little Think Tank (@L_ThinkTank) March 10, 2026

Сведок: Маж се полеал со бензин и се запалил
Швајцарскиот весник „Блик“ цитираше сведок кој изјавил дека маж се полеал со бензин и се запалил во автобусот. Полицијата не го потврдила тврдењето, но рекла дека пожарот е предизвикан од човечка активност.

Пожарникарите го изгаснале пожарот, но автобусот бил целосно уништен. Снимките што кружат на социјалните мрежи покажуваат дека возилото е целосно зафатено од пламен и густ чад.

Автобусот е во сопственост на „ПостАуто“, која главно врши редовни услуги во руралните средини.

Текстот (Видео) Шестмина загинати во пожар во автобус во Швајцарија: „Патник се полеа со бензин и се запали“ е превземен од МАКФАКС.